Chikkamagaluru: ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಪ್ರಕಟ; 24 ಶಿಕ್ಷಕರಿಗೆ ಗೌರವ

Chikkamagaluru: ಶಿಕ್ಷಕರ ದಿನಾಚರಣೆ ಹಿನ್ನೆಲೆಯಲ್ಲಿ ಚಿಕ್ಕಮಗಳೂರು ಜಿಲ್ಲೆಯಲ್ಲಿ 2026-27ನೇ ಸಾಲಿನ ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿಗೆ ಆಯ್ಕೆಯಾದ ಶಿಕ್ಷಕರನ್ನು ಗೌರವಿಸಲು ಸಿದ್ಧತೆಗಳು ನಡೆದಿವೆ.

ಶಾಲಾ ಶಿಕ್ಷಣ ಇಲಾಖೆ ಹಾಗೂ ಕರ್ನಾಟಕ ರಾಜ್ಯ ಶಿಕ್ಷಕರ ಕಲ್ಯಾಣ ನಿಧಿಯ ಸಂಯುಕ್ತ ಆಶ್ರಯದಲ್ಲಿ 2026-27ನೇ ಸಾಲಿನ ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕರ ಪ್ರಶಸ್ತಿ ಪ್ರಕಟಿಸಲಾಗಿದೆ.

ಜಿಲ್ಲೆಯ ಎಂಟು ಶೈಕ್ಷಣಿಕ ಬ್ಲಾಕ್‌ಗಳ ಕಿರಿಯ ಪ್ರಾಥಮಿಕ, ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ವಿಭಾಗಗಳಿಂದ ಒಟ್ಟು 24 ಶಿಕ್ಷಕರನ್ನು ಈ ಗೌರವಕ್ಕೆ ಆಯ್ಕೆ ಮಾಡಲಾಗಿದೆ.

ಈ ಪ್ರಶಸ್ತಿಯು ತಲಾ ₹5,000 ನಗದು ಹಾಗೂ ಪ್ರಶಸ್ತಿ ಪತ್ರವನ್ನು ಒಳಗೊಂಡಿದೆ. ಸೆಪ್ಟೆಂಬರ್ 5ರಂದು ನಡೆಯುವ ಶಿಕ್ಷಕರ ದಿನಾಚರಣೆ ಕಾರ್ಯಕ್ರಮದಲ್ಲಿ ಈ ಪ್ರಶಸ್ತಿಗಳನ್ನು ಪ್ರಧಾನ ಮಾಡಲಾಗುತ್ತದೆ.

ಯಾವ ಮಾನದಂಡಗಳ ಆಧಾರದಲ್ಲಿ ಆಯ್ಕೆ?

ಶಾಲೆಯ ಮೂಲಸೌಕರ್ಯ ಅಭಿವೃದ್ಧಿ, ಶೈಕ್ಷಣಿಕ ನಾಯಕತ್ವ, ತಂತ್ರಜ್ಞಾನ ಹಾಗೂ ಪಾಠೋಪಕರಣಗಳ ಬಳಕೆ, ಶಾಲೆಯಿಂದ ಹೊರಗುಳಿದ ಮಕ್ಕಳನ್ನು ಮುಖ್ಯವಾಹಿನಿಗೆ ಕರೆತಂದ ಸಾಧನೆ, ಗ್ರಾಮೀಣ ಸೇವೆ ಮತ್ತು ಸಮುದಾಯದ ಸಹಭಾಗಿತ್ವ ಸೇರಿದಂತೆ ಹಲವು ಪ್ರಮುಖ ಮಾನದಂಡಗಳನ್ನು ಪರಿಗಣಿಸಲಾಗಿದೆ.

ಜಿಲ್ಲಾ ಹಂತದ ಸಮಿತಿಯು ಶಾಲೆಗಳಿಗೆ ಖುದ್ದು ಭೇಟಿ ನೀಡಿ ಪರಿಶೀಲನೆ ನಡೆಸಿ, ಶಿಕ್ಷಕರನ್ನು ಪ್ರಶಸ್ತಿಗೆ ಆಯ್ಕೆ ಮಾಡಿದೆ ಎಂದು ಶಾಲಾ ಶಿಕ್ಷಣ ಇಲಾಖೆಯ ಉಪನಿರ್ದೇಶಕರಾದ (ಆಡಳಿತ) ತಿಮ್ಮರಾಜು ತಿಳಿಸಿದ್ದಾರೆ.

ಕಿರಿಯ ಪ್ರಾಥಮಿಕ ವಿಭಾಗ

ಕಿರಿಯ ಪ್ರಾಥಮಿಕ ವಿಭಾಗದಲ್ಲಿ ಈ ಕೆಳಗಿನ ಎಂಟು ಶಿಕ್ಷಕರು ಪ್ರಶಸ್ತಿಗೆ ಭಾಜನರಾಗಿದ್ದಾರೆ:

ಬೀರೂರು ವಲಯ: ಸುರೇಶ್ ಕುಮಾರ್

ಚಿಕ್ಕಮಗಳೂರು: ಲಾವಣ್ಯ ಎನ್.ಜಿ.

ಕಡೂರು: ಲೋಕೇಶ್ ಹೆಚ್.ಕೆ.

ಕೊಪ್ಪ: ಜಗದೀಶ್ ಹೆಚ್.ಎಸ್.

ಮೂಡಿಗೆರೆ: ಅಸ್ನರ್ ಆಲಿಖಾನ್

ನ.ರಾ.ಪುರ: ನಸೀಮ ಬಾನು

ಶೃಂಗೇರಿ: ನಿಲೂಫರ್ ಬೇಗಂ

ತರೀಕೆರೆ: ಪ್ರಸನ್ನ ಬಿ.

ಹಿರಿಯ ಪ್ರಾಥಮಿಕ ವಿಭಾಗ

ಹಿರಿಯ ಪ್ರಾಥಮಿಕ ವಿಭಾಗದಲ್ಲಿ ಎಂಟು ಶಿಕ್ಷಕರನ್ನು ಆಯ್ಕೆ ಮಾಡಲಾಗಿದೆ. ಅವರ ವಿವರ ಹೀಗಿದೆ:

ಬೀರೂರು ವಲಯ: ಜಯಣ್ಣ

ಚಿಕ್ಕಮಗಳೂರು: ವಯೋಲೆಟ್ ವಿಲ್ಮಾ ಗೊನ್ಸಾಲ್ವಿಸ್

ಕಡೂರು: ನಾಗರತ್ನ ಹೆಚ್.ಸಿ.

ಕೊಪ್ಪ: ಅಂಜಲಮ್ಮ

ಮೂಡಿಗೆರೆ: ಪ್ರೇಮಾ ಬಿ.ಟಿ.

ನ.ರಾ.ಪುರ: ಶೈನಿ

ಶೃಂಗೇರಿ: ಜಯಂತಿ

ತರೀಕೆರೆ: ಲಕ್ಷ್ಮಣ ಎಂ.ಎಸ್.

ಪ್ರೌಢಶಾಲಾ ವಿಭಾಗ

ಪ್ರೌಢಶಾಲಾ ವಿಭಾಗದಿಂದಲೂ ಎಂಟು ಶಿಕ್ಷಕರು ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಬೀರೂರು ವಲಯ: ನಂಜುಂಡಯ್ಯ ಎ.ಜಿ.

ಚಿಕ್ಕಮಗಳೂರು: ಓಂಕಾರಪ್ಪ

ಕಡೂರು: ಹನುಮಂತಪ್ಪ ಎಂ.

ಕೊಪ್ಪ: ಪ್ರಕಾಶ್ ಬಿ.

ಮೂಡಿಗೆರೆ: ಸಂದೇಶ್ ಕೆ.ಎಲ್.

ನ.ರಾ.ಪುರ: ಗುಣಪಾಲ್ ಜೈನ್

ಶೃಂಗೇರಿ: ದೀಪಾ

ತರೀಕೆರೆ: ಸುನೀತಾ ಕೆ.ಜಿ.

ಮೂವರು ವಿಶೇಷ ಪುರಸ್ಕೃತರು

ಇವರೊಂದಿಗೆ ಚಿಕ್ಕಮಗಳೂರು ತಾಲೂಕಿನ ಕುರುಬರಹಳ್ಳಿಯ ಕುಮಾರ ಸ್ವಾಮಿ, ಅಂಬಳೆಯ ಸುಮಿತ್ರಾ ಹಾಗೂ ಕಣತಿಯ ಪ್ರಹ್ಲಾದ್ ಜೆ.ಹೆಚ್. ಅವರು ವಿಶೇಷ ಪುರಸ್ಕೃತರಾಗಿ ಗೌರವಕ್ಕೆ ಪಾತ್ರರಾಗಿದ್ದಾರೆ.

ಶಿಕ್ಷಕರು ಮಕ್ಕಳಿಗೆ ಕೇವಲ ಪಠ್ಯ ವಿಷಯಗಳನ್ನು ಬೋಧಿಸುವುದಷ್ಟೇ ಅಲ್ಲದೆ, ಅವರಲ್ಲಿ ಶಿಸ್ತು, ಆತ್ಮವಿಶ್ವಾಸ, ಉತ್ತಮ ಮೌಲ್ಯಗಳು ಹಾಗೂ ಸಾಮಾಜಿಕ ಜವಾಬ್ದಾರಿಯನ್ನು ಬೆಳೆಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಾರೆ.

ಇಂತಹ ಶಿಕ್ಷಕರ ಸೇವೆಗಳನ್ನು ಗುರುತಿಸಿರುವುದು, ಮುಂದಿನ ದಿನಗಳಲ್ಲಿ ಶೈಕ್ಷಣಿಕ ಕ್ಷೇತ್ರವು ಇನ್ನಷ್ಟು ಪರಿಣಾಮಕಾರಿಯಾಗಿ ಗೆಲುವನ್ನು ಸಾಧಿಸಲು ಸಹಾಯ ಮಾಡುತ್ತದೆ.

Read this: KSRTC:ಗಣೇಶ ಹಬ್ಬಕ್ಕೆ 3 ದಿನ ರಜೆ; ಬೆಂಗಳೂರಿನಿಂದ 2,400 ವಿಶೇಷ KSRTC ಬಸ್‌ಗಳು