SSC CHSL: 12ನೇ ತರಗತಿ ಪಾಸಾದವರಿಗೆ SSCಯಿಂದ 2,536 ಹುದ್ದೆಗಳಿಗೆ ನೇಮಕಾತಿ

SSC CHSL: ಸ್ಟಾಫ್ ಸೆಲೆಕ್ಷನ್ ಕಮಿಷನ್ (SSC) 2026ನೇ ಸಾಲಿನ Combined Higher Secondary (10+2) Level Examination (CHSL) ನೇಮಕಾತಿ ಅಧಿಸೂಚನೆ ಪ್ರಕಟಿಸಿದೆ.

ವಿವಿಧ ಕೇಂದ್ರ ಸರ್ಕಾರಿ ಇಲಾಖೆಗಳು ಮತ್ತು ಕಚೇರಿಗಳಲ್ಲಿನ ಗ್ರೂಪ್-ಸಿ ಹುದ್ದೆಗಳಿಗೆ ಈ ನೇಮಕಾತಿ ನಡೆಯಲಿದೆ.

ಅಧಿಸೂಚನೆಯ ಪ್ರಕಾರ ಸುಮಾರು 2,536 ತಾತ್ಕಾಲಿಕ ಹುದ್ದೆಗಳು ಲಭ್ಯವಿದ್ದು, ಅಂತಿಮ ಹುದ್ದೆಗಳ ಸಂಖ್ಯೆ ನಂತರ ಪ್ರಕಟವಾಗಲಿದೆ.

ಪ್ರಮುಖ ಮಾಹಿತಿ:

ಹುದ್ದೆ ಮತ್ತು ವೇತನ:

•LDC/JSA: Pay Level-2 – ₹19,900ರಿಂದ ₹63,200

•DEO: Pay Level-4 – ₹25,500ರಿಂದ ₹81,100 ಅಥವಾ Pay Level-5 – ₹29,200ರಿಂದ ₹92,300

•DEO Grade-A: Pay Level-4 – ₹25,500ರಿಂದ ₹81,100.

ಶೈಕ್ಷಣಿಕ ಅರ್ಹತೆ:

•ಸಾಮಾನ್ಯ LDC/JSA, DEO ಮತ್ತು ಇತರೆ ಹುದ್ದೆಗಳಿಗೆ 12ನೇ ತರಗತಿ ಉತ್ತೀರ್ಣರಾಗಿರಬೇಕು.

•ಆದರೆ ನಿರ್ದಿಷ್ಟ DEO/DEO Grade-A ಹುದ್ದೆಗಳಿಗೆ ವಿಜ್ಞಾನ ವಿಭಾಗದಲ್ಲಿ ಗಣಿತ ವಿಷಯದೊಂದಿಗೆ 12ನೇ ತರಗತಿ ಉತ್ತೀರ್ಣರಾಗಿರಬೇಕು.

ವಯೋಮಿತಿ

•01-08-2026ರಂತೆ ಅಭ್ಯರ್ಥಿಯ ವಯಸ್ಸು 18ರಿಂದ 27 ವರ್ಷಗಳ ನಡುವೆ ಇರಬೇಕು.

•SC/ST, OBC, PwBD, ಮಾಜಿ ಸೈನಿಕರು ಸೇರಿದಂತೆ ವಿವಿಧ ವರ್ಗಗಳಿಗೆ ನಿಯಮಾನುಸಾರ ವಯೋಮಿತಿ ಸಡಿಲಿಕೆ ಲಭ್ಯವಿದೆ.

ಪರೀಕ್ಷಾ ವಿಧಾನ:

SSC CHSL ಪರೀಕ್ಷೆ Tier-I ಮತ್ತು Tier-II ಎಂಬ ಎರಡು ಹಂತಗಳಲ್ಲಿ ನಡೆಯಲಿದೆ.

Tier-I:

– English Language

– General Intelligence

– Quantitative Aptitude

– General Awareness

ಒಟ್ಟು 100 ಪ್ರಶ್ನೆಗಳಿಗೆ 200 ಅಂಕಗಳು ಇರುತ್ತವೆ. ಪ್ರತಿ ತಪ್ಪು ಉತ್ತರಕ್ಕೆ 0.50 ಅಂಕ ನಕಾರಾತ್ಮಕ ಮೌಲ್ಯಮಾಪನ ಇರುತ್ತದೆ.

Tier-II:

ಗಣಿತ, ರೀಸನಿಂಗ್, ಇಂಗ್ಲಿಷ್, ಸಾಮಾನ್ಯ ಜ್ಞಾನ, ಕಂಪ್ಯೂಟರ್ ಜ್ಞಾನ ಹಾಗೂ ಹುದ್ದೆಗೆ ಅನುಗುಣವಾಗಿ Typing/Skill Test ಒಳಗೊಂಡಿರುತ್ತದೆ.

ಟೈಪಿಂಗ್ ಮತ್ತು ಸ್ಕಿಲ್ ಟೆಸ್ಟ್

LDC/JSA ಹುದ್ದೆಗೆ:

– ಇಂಗ್ಲಿಷ್ – ನಿಮಿಷಕ್ಕೆ 35 ಪದ

– ಹಿಂದಿ – ನಿಮಿಷಕ್ಕೆ 30 ಪದ

DEO ಹುದ್ದೆಗೆ ಹುದ್ದೆಯ ಪ್ರಕಾರ 8,000 ಅಥವಾ 15,000 Key Depressions ಪ್ರತಿ ಗಂಟೆಗೆ ವೇಗದ Skill Test ಇರಲಿದೆ.

ಪರೀಕ್ಷಾ ಕೇಂದ್ರಗಳು:

ಕರ್ನಾಟಕದ ಅಭ್ಯರ್ಥಿಗಳಿಗೆ ಬೆಂಗಳೂರು, ಬೆಳಗಾವಿ, ಹುಬ್ಬಳ್ಳಿ, ಕಲಬುರಗಿ, ಮಂಗಳೂರು, ಮೈಸೂರು, ಶಿವಮೊಗ್ಗ ಮತ್ತು ಉಡುಪಿ ಸೇರಿದಂತೆ ವಿವಿಧ ಪರೀಕ್ಷಾ ಕೇಂದ್ರಗಳನ್ನು ಆಯ್ಕೆ ಮಾಡಬಹುದಾಗಿದೆ.

ಗಮನಿಸಿ:

ಅಭ್ಯರ್ಥಿಗಳು ಅರ್ಜಿ ಸಲ್ಲಿಸುವಾಗ ಹೆಸರು, ತಂದೆ-ತಾಯಿಯ ಹೆಸರು, ಜನ್ಮ ದಿನಾಂಕ ಹಾಗೂ 10ನೇ ತರಗತಿ ಪ್ರಮಾಣಪತ್ರದ ವಿವರಗಳನ್ನು ಅದೇ ರೀತಿಯಲ್ಲಿ ನಿಖರವಾಗಿ ನಮೂದಿಸಬೇಕು. ತಪ್ಪು ಮಾಹಿತಿ ನೀಡಿದರೆ ಅಭ್ಯರ್ಥಿತ್ವ ರದ್ದಾಗುವ ಸಾಧ್ಯತೆ ಇದೆ.

ಅಭ್ಯರ್ಥಿಗಳು ಅರ್ಜಿ ಸಲ್ಲಿಸುವ ಮೊದಲು SSCಯ ಅಧಿಕೃತ ಅಧಿಸೂಚನೆಯನ್ನು ಸಂಪೂರ್ಣವಾಗಿ ಪರಿಶೀಲಿಸಿ, ತಮ್ಮ ಅರ್ಹತೆಯನ್ನು ಖಚಿತಪಡಿಸಿಕೊಳ್ಳಬೇಕು.

Read this:Balehonnuru: ಬಾಳೆಹೊನ್ನೂರಿನಲ್ಲಿ ಇ-ಕೆವೈಸಿಗಾಗಿ ತೆರಳಿದ್ದ ವೇಳೆ ಕಳ್ಳತನ